My Everyday Bag/ شنطتي المفضلة اليوميه :

السلام عليكم ورحمة الله وبركاته

كيفكم بنات وحشتوووني مره 💖

موضوع اليوم هيكون عن أجمل حاجة أحبها الفاشن والشنط

حبيت اشارككم كل شي أنا أحبه ومفيد لكم ان شاء الله
راح أتكلم اليوم عن شنطتي اليومية المفضلة عندي 
وكيف تجربتي ورأي فيها.



في البداية : كيف أختار الشنطة اليومية؟

أهم حاجة عندي دائماً إنها تكون مميزاتها:عملية ,حجمها مناسب ,ماتكون ثقيلة .

نبدأ:

اخذت الشنطة من ماركة Coach شنطها عملية وتطول معايه.حجمها صغير ممكن تكون شنطة زيارات كمان أو سهرة جمعة صحبات أقارب.

أعشق الشنط الكلاسيك احسها أنثويه وأنيقة .أول مادخلت المحل وشفتها مره عجبتني لأنها تشبه ستايل شنط Lois Vuitton . خامتها جلد لون أسود وبني هذا اللي جذبني لها حتى أقدر أنسقها مع ستايلات مختلفة.

يجي معاها Strap طويل أقدر ألبسه Crossbody أو على الكتف .
وممكن أحملها باليد من غير الستراب .
وممكن أغير Strap تبعه بستراب عريض فكره حلوه مثل الموضة الأن.

هنا شكلها من الأعلى فيها بس سحاب عملي مره يفتح معايه بسهولة ولونه ذهبي مره حلو الذهبي مع الأسود والبني.أحب فيها الشنطة إنها واقفة مايتغير شكلها مو من الشنط 
اللي تحطيها على الطاولة مثلاً تطيح 😒
من الداخل اللون الأسود فيها جيب صغير بسحاب وجيب ثاني مفتوح .

شكلها من تحت ساده .تمنيت لوكان فيها حدايد تحت مثل حمايه لها حتى ماتتوسخ           أو تتكدش.

أخذت معاها Cards Holder نفس اللون والجلد .
بالداخل فيها مكان للكاردز وفي مكان للكاش لأن دائماً يكون معايه كاش.وبلاستيك مكان الصور  .
لفتني شكلها تشبه المحفظة العادية لكن أصغر .

أشتريتها من أوتلت Metzingen Outlet City بالمانيا قريب من مدينة ميونخ في الإجازة الصيفية .
 سعرها ب1000 ريال من غير التاكس
Cards Holderب200 ريال .


أتمنى انكم استفدتوا وحبيتوا الشنطة مثلي.💗💗

لاتنسون جميلاتي شاركوا التدوينة  مع من تحبون من أخوات، قريبات، صديقات راح يسعدني هالشي مره 

شاركوني آرائكم وتعليقاتكم.
أحبكم 💗💗💗
تابعوني:

التويتر: Alwaadblog @

الإنستقرام: Alwaadblog

سناب شات: Beautys99

abeauty0secret@gmail.com: ايميل