السلام عليكم ورحمة الله وبركاته
كيفكم جميلاتي وحشتووووووني كثيييير...😘
اليوم هديتي لكم تجربتي مع منتجات طلبتها قبل 3 شهور من موقع Iherp المعروف
المهم هكتبلكم عن تجربتي لكل منتج بصدق وأمانه .
نبدأ:
الطين الأوروبي
ماسك للوجه والرقبه طريقة استخدامي انضف وجهي بغسول اول شي بعدين اضع الماسك الطريقة: ملعقة صغيرة من الطين -ملعقة صغيرة ماء ورد -ملعقة صغيرة زبادي اخلطة بملعقة بلاستيك واخليه لمدة 20 دقيقه
واغسله وبعدين استخدم التونر مراحلوالماسك استخدمه مره كل اسبوع وقبل كل مناسبه, ينظف ويشد البشرة ويعطي نضارة. اذا خلص اكيد هطلب منه مرا ثانية.
واغسله وبعدين استخدم التونر مراحلوالماسك استخدمه مره كل اسبوع وقبل كل مناسبه, ينظف ويشد البشرة ويعطي نضارة. اذا خلص اكيد هطلب منه مرا ثانية.
زيت الأرغان
زيت الارغان للجسم استخدمته كم مرا لوحدة وكمان مع بودي لوشن ماعجبتني ريحته وكمان ترطيبه خفيف, ودحين بالشتاء مراح ينفع.
الصابون الافريقي
اشتريته عشان سمعته انه يشد الجسم ويشيل السليوليت استخدمته لحد ماخلص مالاحظت شي . وكمان بعد مااستخدمه احتاج لترطيب مكثف.
شامبو كيراتين بزيت الأرغان
أنا عملت معالج اسمه كريستال الكاكاو والاخصائية قالتلي لازم تستخدمي شامبو بالكيراتين عشان المعالج يطول معاكي .
استخدمته لفتره جابلي قشرة ووقفته ودحين جالسه اعالج القشرة. انا طلبت منه شامبو وبسلم بس البلسم مااستخدمته.
حبوب الكولاجين
خلصت علبه ونص اللي لاحظته يعطي نضارة للوجه وامتلاء يعني طلعتلي خدود بعده وبالنسبه للشعر طلعلي بيبي هير والكل لاحظ بس التساقط ماوقف .
لكن انا دايماً اقول تأثير الفيتامينات يختلف من شخص لشخص .
اتمنى انكم استفدتو من تجربتي , وشكراً ....
ليست هناك تعليقات:
إرسال تعليق