السلام عليكم ورحمة الله وبركاته
هاي جميلاتي كيفكم.....
بمناسبة الاجواء الجميلة ودخول فصل الشتاء حبيت اكتب اليوم موضوع مهم لكل انثى ..
للأسف اغلب البنات تكسل و تهمل بشرتها في البرد,المشكله لمن تهملينها تنشف وتطلع قشور بيضا وتسود , بعدين ندور حل عشان نعالجها.
بالشتاء اهم حاجه النظافه ثم الترطيب ثم الترطيب ....
نبدأ:
راح اقولكم عن خطوات بسيطه وسهله ومرا ح تاخذ منكم وقت ان شاء الله......
-الحمام المغربي مهم جدا بالشتاء للصحه والنظافه ينشط الدوره الدمويه ولمن تعرقي بالحمام تطلع السموم من جسمك
وبعدين تستخدمي مقشر للبشرة.
عن نفسي استخدم مقشر بديل عن مقشر فرانك سهل اعمله بالبيت ومحتوياته متوفره ماياخذ منك وقت بالتحضير..
( طريقته هنا )
-الترطيب بعد الحمام استخدم لوشن جلسوليد بالمسك مع نقطه زيت اللوز المرالافضل عندي ماله ريحه وترطيبه عالي.بالشتاء استخدموا الزيت لترطيب اكثر وكمان يجلس معاكي طول اليوم. ممكن يستبدل بلوشن ثاني لكن اخلطوه مع زيت لترطيب افضل..
بعد ماتخلصي استخدمي مسك الجسم على أماكن النبض وضعي عطرك المفضل ..
- الوجه استخدمي ماسك مره كل اسبوع علشان يعطيه نضاره وحيويه ثم الترطيب . ماسك الطين الاوروبي تكلمت عنه في مدونة (تجربتي لمنتجات طلبتها من موقع i herp)انصحكم فيه تطلبوه من الموقع اومن تاجرات.
رطبي وجهك بالمرطب اللي تحبيهكريم او زيت قبل النوم وكمان لمن تصحي بعد ماتنظفي وجهك.
اللي ناسب بشرتي المختلطه هذا الكريم (تكلمت عنه ببوست بالانستقرام).
- تقشير وترطيب الشفايف في البرد الشفايف تجف بسرعة فلازم نهتم فيها نعملها تقشير يومي ونرطبها..
استخدم مقشر الشفايف من The Top Shop الكوري يعتبر مقشر ومرطب بنفس الوقت انصحكم فيه سعره ب40 ريال ويطول عندك يستاهل
ممكن تستبدليه بشوية سكر وتخلطيه بزيت زيتون وتحطيه بعلبه وتستخدميه وقت الحاجه..
تقشري الشفايف قبل النوم بعدين تحطي مرطب الشفايف فازلين الوردي الكل يعرفه ..
- ا لقدمين اكثر حاجه تتضرر لأننا نلبس الشراب طول اليوم ونهملها..
قبل النوم اغسلها بمويه دافئه وشاور جل ثم اجففها بعدين احط مقشر القدمين والبس شراب وانام لمن اصحى مع الاستحمام استخدم الحجرللقدمين جربوها مو كل يوم يعني ثلاثه لأربعه أيام بالأسبوع, اخذته من نزيه سعره ب14 ريال
- ترطيب اليدين طول اليوم بعد الوضوء وقبل النوم ولمن تخرجي بالشنطه معاكي واحد
انا استخدم مرطب جلسوليد لليدين اخذت منه الاحجام الصغيره بكل صيدليه سعره ب4 ريال .وضعت واحدعند المغسلة , عند التلفزيون , بالشنط علشان ماانسى...
وبس اتمنى انكم استفدتوا جميلاتي...
تسعدني مشاركة تعليقاتكم وتجاربكم وارائكم ....
تابعوني
تابعوني
التويتر: Alwaadblog @
الإنستقرام: Alwaadblog
سناب شات: Beautys99
